ସରପଞ୍ଚ ଙ୍କ ଷ୍ଟାମ୍ପ ଓ ଦସ୍ତଖାସ୍ଥ କୁ ନକଲ କରି ଆଧାର କାର୍ଡ ସଂଶୋଧନ ହେଉଥିବା ନେଇ ଥାନାରେ ଅଭିଯୋଗ l
ତିର୍ତ୍ତୋଲ: ୭/୯/୨୪(ବ୍ୟୁରୋ):-ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ଜଗନ୍ନାଥପୁର ବଜାର ଗ୍ରାମ୍ୟ ବ୍ୟାଙ୍କ ନିକଟରେ ପଦ୍ମନାଭ ମହାନ୍ତି ଓରଫ୍ (ମୁନା) ନିଜର ସନସେବା କେନ୍ଦ୍ରରେ ସ୍ଥାନୀୟ ସରପଞ୍ଚ ସୁଶାନ୍ତ କୁମାର ନାୟକ ଙ୍କ ଦରଖାସ୍ଥ ଓ ଷ୍ଟାମ୍ପ କୁ ନକଲ କରି ଆଧାର କାର୍ଡ ସଂଶୋଧନ କରୁଥିବା କୈାଣସି ସୁତ୍ରରୁ ଜାଣିବାକୁ ପାଇଥିଲେ ସ୍ଥାନୀୟ ସରପଞ୍ଚ।ଏନେଇ ସ୍ଥାନୀୟ ସରପଞ୍ଚ ତିର୍ତ୍ତୋଲ ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତିକରି ପୋଲିସ ଘଟଣା ସ୍ଥଳରେ ପହଞ୍ଚି ଜନସେବା କେନ୍ଦ୍ରକୁ ସିଜ୍ କରିବା ସହିତ ଅଭିଯୁକ୍ତଙ୍କୁ ଉଠାଇ ଆଣି ଥାନା ରେ ଅଟକ ରଖି ପଚରାଉଚରା ଜାରି ରଖିଛି। ବର୍ତ୍ତମାନର ସବୁଆଡେ ସୁଭଦ୍ରା ଯୋଜନା ପାଇଁ ଆଧାର କାର୍ଡ ସଂଶୋଧନ ହେଉଥିବା ବେଳେ ଏ ଘଟଣା ସ୍ଥାନୀୟ ଅଞ୍ଚଳର ଚର୍ଚ୍ଚା ର ବିଷୟ ପାଲଟିଛି। ଘଟଣା ର ତଦନ୍ତ କରାଯାଇ ଦୋଷୀକୁ ଦଣ୍ଡ ଦେବାପାଇଁ ସ୍ଥାନୀୟ ଲୋକମାନେ ଦାବି କରିଛନ୍ତି।
