ସାପ କାମୁଡାରେ ବ୍ୟକ୍ତିଙ୍କ ମୃତ୍ୟୁ
.
ଏରସମା,୫|୭(ବ୍ୟୁରୋ) ଜପା ପଞ୍ଚାୟତ ବୋତିଗାଁ ର ମାୟାଧର ପାଇଟାଳ , ବୟସ (୬୯) ଗତକାଲି ରାତି ପ୍ରାୟ ୧୦ଟା ସମୟରେ ପରିଶ୍ରା କରିବାକୁ ବାରିକୁ ଯାଇଥିବା ବେଳେ କୌଣସି ଏକ ବିଷଧର ସାପ କାମୁଡି ଦେଇଥିଲା । ଯାହା ଫଳରେ ମାୟାଧର ଯନ୍ତ୍ରଣାରେ ଛଟପଟ ହୋଇ ଅଚେତ ହୋଇ ପଡିଥିଲେ । ଏହା ଦେଖି ପରିବାର ଲୋକେ ନିକଟସ୍ତ ଏରସମା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ହେଲେ ଡାକ୍ତର ତାଙ୍କୁ ସେଠାରେ ମୃତ୍ୟୁ ଘୋଷଣା କରିଥିଲେ । ଏବାବଦରେ ପରିବାର ଲୋକେ ଏରସମା ଥାନା ରେ ଏକ ଲିଖିତ ଅଭିଯୋଗ ଦେଇଥିଲେ । ଏରସମା ପୋଲିସ ଏକ ଅପମୃତ୍ୟ ମାମଲା ୠଜୁକରି ମୃତ ବ୍ୟକ୍ତିଙ୍କୁ କୁଜଙ୍ଗ ବ୍ୟବଛେଦ କେନ୍ଦ୍ରକୁ ପଠାଇ ଦେଇଛନ୍ତି । ମାୟାଧାର ଜଣେ ସାଧାରଣ ଗରିବ ପରିବାର ର ବ୍ୟକ୍ତି ଅଟନ୍ତି ଘରେ ତାଙ୍କର ଦୁଇ ପୁଅ ଓ ସ୍ତ୍ରୀ ଅଛନ୍ତି । ତେଣୁ ସରକାର ତୁରନ୍ତ ମୃତକଙ୍କ ପରିବାରଙ୍କୁ ସମସ୍ତ ସରକାରୀ ସହଯୋଗ ଯୋଗାଇ ଦେବାକୁ ଗ୍ରାମବାସୀ ମାନେ ନିବେଦନ କରିଛନ୍ତି ।
