ଭିତର ଅନ୍ଧାରି ମଣ୍ଡିରେ ଅନିୟମିତତା
ଏରସମା :୧୨/୦୩ ( ସତ୍ୟବ୍ରତ ସାମଲ):ଏରସମା ବ୍ଲକ ଅନ୍ତର୍ଗତ ଭିତର ଅନ୍ଧାରି ସମବାୟ ସମିତି ଧାନ ମଣ୍ଡିରେ ଚାଲିଛି ଅନିୟମିତତା। ଚାଷୀଙ୍କୁ ଧମକ ଦେଇ ଧାନ କୁଇଣ୍ଟାଲ ପିଛା ୫ରୁ ୧୦କିଲୋ କାଟ ନେଉଥିବାବେଳେ ଅଖା କି ଅଖା ପଇସା ଚାଷୀଙ୍କୁ ଦିଆ ଯାଉ ନାହିଁ । ଏଥି ସହିତ ଲୋଡ଼ ଅଲୋଡ଼ିଂ ବାବଦରେ ମଧ୍ୟ ୧୫ ରୁ ୨୦ ଟଙ୍କା ଚାଷୀଙ୍କ ଠାରୁ ଆଦାୟ କରାଯାଉଛି। ଯାହାକୁ ନେଇ ଚାଷୀ ମାନଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି ,ପ୍ରତି କ୍ଷେତ୍ରରେ ଚାଷୀଙ୍କ ଠାରୁ କେମିତି ପଇସା ଚୋରି କରିହେବ ତା ପାଇଁ ସୁନ୍ଦର ଵେବସ୍ତା ତିଆରି କରିଛନ୍ତି। ଜିଲ୍ଲା ସ୍ତରରେ ସି.ଏମ.ସି ସ୍କ।ଡ ତରଫରୁ କିଛି ସଠିକ ତଦନ୍ତ କରୁନଥିବା ଦେଖା ଦେଇଛି। ଯାହା ଫଳରେ ନିଜ ମନ ଇଛା ମୁତାବକ ଚାଷୀଙ୍କୁ ଶୋଷଣ କରୁଥିବା ଅଭିଯୋଗ ଦେଖିବାକୁ ମିଳିଛି,ତେଣୁ ଏଥିପ୍ରତି ତୁରନ୍ତ ପ୍ରଶାସନ ଦୃଷ୍ଟି ଦେବାକୁ ଚାଷୀ ମାନେ ଦାବି କରିଛନ୍ତି। ଏଥି ସହିତ ମଣ୍ଡିରେ ନିୟମ ଥିବା ସି ସି ଟିଭି କ୍ୟାମେରା ଲଗାଇବା ପାଇଁ , ଏଥିରେ ବେତିକ୍ରମ ଦେଖିବାକୁ ମିଳିଛି। ଏକ ଅସ୍ଥାୟୀ ବାଉଁଶରେ ଏହି ସି ସି ଟିଭି କ୍ୟାମେରା ବନ୍ଧାଯାଇ ବାଉଁଶକୁ ମାଟିରେ ପୋତାଯାଇଛି। କେହି ଦୁର୍ବୁତ୍ତ ଯଦି ବାଉଁଶଟିକୁ ଓପାଡି ନେଇଯିବ କିମ୍ବା ବାଉଁଶଟା ଭାଙ୍ଗି ତଳେ ପଡ଼ିଯିବ ତେବେ ଧାନ ଚୋରି ରୋକିବାରେ କିଏ ସହାୟକ ହେବ। ଏଥିପାଇଁ କିଏ ଦାଈ ରହିବ ବୋଲି ଚାଷୀମାନେ ଅଭିଯୋଗ କରିଛନ୍ତି। ଏହି ମଣ୍ଡିରେ ଦିନରେ ଧାନ ଯିବା ପରିବତ୍ରେ ରାତିରେ ଧାନ ଓଜନ ଠିକ ଭାବେ ନ ହୋଇ ଲୋଡ଼ିଙ୍ଗି ହେଉଛି। ଯଦି ଚାଷୀଟିଏ ଅଭିଯୋଗ କରୁଛି ତୋ ଧାନ ଯିବନି ବୋଲି ଚାଷୀକୁ କହୁଛନ୍ତି।
